سأل سائل قالي شن أسم بلادك
اللي تصاويره خلابةرديت عليه
قلت أسمع كلامي
توصلك الإجابة
أنا من وطن
شرقه حن, ينابيع عذبة, و ريح رطابه
غربه جبل,هيبة ,مشايخ و خطابه
شماله بحر و رمال فيروز يلاقي ذهب يازينك صحابه
جنوبه واحات,و جود من نخل عانق صفحة السما
كتب ليبــــــــــــــــــــيا ع كل سحابه
شرقه حن, ينابيع عذبة, و ريح رطابه
غربه جبل,هيبة ,مشايخ و خطابه
شماله بحر و رمال فيروز يلاقي ذهب يازينك صحابه
جنوبه واحات,و جود من نخل عانق صفحة السما
كتب ليبــــــــــــــــــــيا ع كل سحابه
في ذكرته نهديه للمختار اللي دمه فداه لترابه
منــــــــــــى
.jpg)
19 التعليقات:
بارك الله فيكم يا دكاترة...و ربي يكثر من أمثالكم
ربي يوفقكم لما فيه رضاه
shark_attack
و شكر خاص للمصور.........و انقوله يسلم ايديك
shark_attack
وفيكم بارك الله.شكرا على الزيارة والتعليق.
منى
حلوه التدوينه يا بنات يعطيكن الصحه وانت يا مني لك وحشه عزيزتي... بالتوفيق
سالمه معرف
سالمة أنت أكثر وإن شاء الله تكون عجباتك
لان كل الشغل اشتغلته في اسوء ظروف الجهاز
يعني تقدري اتقولي الكاميره هي الجهاز الوحيد اللي يشتغل كويس! والكلمات أول محاولة كتابة بالشعبي فمافيش خبرة اعتمدت على الاحساس بس مبسوطة من تشجيعكم خلينا نتلاقوا.
منى
الله الله الله عليك
ربي يحفظك ويحفظ ليبيا واهلها من الحد للحد وبالاتجاهات الاربعة وجميع بلاد مسلمين
منورات يا بنات ويا بختنا بيكم :)
شكرا يا نسيم ليبيا ياريت لو كنت معايا واستنشقتي نسيم شرق ليبيا
تحياتي منى
ياعيني عليك وين كانت هالمواهب مخفية؟ :)
صدقتي و الله
كلنا فخورين بأننا من هالبلد و بأننا احفاد المختار
ميييييييمي...شكرا بس اين موهب تقصدي التصوير او الشعبي؟ التصوير من زمان انحبه واخذة حتى دورة اعداد مصور غير توى كيف افرج عني من معتقل الطب. الشعبي ماليش فيه لكن حبيت نحكي ع بلادي بلهجتها...
نتفكر مرة قريت عندك مقالة تاج امتاع الاسئلة؟ او عند مي كانت؟ وتيلنا وحدة
تحياتي منى
السلام عليكم ورحمة الله
الباين حنشفوا اشياء جديدة واجدة فى المدونة بعد التخرج
ومن لليبيا غيرنا ومن لنا غير ليبيا
ابدعتم
مى
السلام عيكم ..
ليبيا وجع الامس واليوم والامل في الغد ماضي مشرف والحاضر ماشي حاله فليكن الغد مفخرة بكل المعاني وبشهادة الجميع بجميع الاتجهات داخل حدود الوطن وخارجها ..
أملنا فيكم وزملأكم ومن يتبعكم في تغيير الصورة البشعة للأستطباب داخل ليبيا وكلا في مجاله ..
فهل ستكونون بالقوة الكافية لمواجهة التيار وفرض الغد المنتظر ..
كن بخير لعل ليبيا تكون بخير بكم .
مي@
وعليكم السلام والرحمة
تسلمي يامي وصدقتي هيا لنا ونحن لها. وان شاء الله حتشوفي اللي يعجبك في المدونة
تحياتي منى
@ الواثق
وعليكم السلام ورحمة الله وبركاته...
أ] والله امل الغد ربي يقدرنا على هالمسؤوليه ويثبتنا وكل في مجاله مش بس التطبيب اللي يحتاج لتحسين
بارك الله فيك ومرحبا بيك في ارض الخزامى وكن واثق كما اسمك ان لم تجد ماينفعك هنا لن تجد مايضرك وكرر الزيارة مرحبا مرحبا
تحياتي منى
بسم الله الرحمن الرحيم
الأخت الفاضلة
سعدت اليوم لزيارتى لمدونات ليبية
وازدادت سعادتى بزيارتك لمدونتى
ولما أتيت إلى عتبات مدونتك وجدتنى فى شوق جم لرؤية هذا الوطن الجميل الذى ازداد اليوم فى عينىّ جمالا وبهاء.
أختى :
أرجو أن تتكرر زيارتك للمدونة
أستاذ أحمد عبدالمنعم...
بارك الله فيك استاذي الفاضل... وكيف لاتتكرر واسم مدونتك أمي.
تحياتي منى
شكراااااا لك .....مقالتك اكثر من رائعه
sites like service
الشكر لله وشكرا كثير لزيارتكم بلادي هو الاكثر من رائع
تحياتي منى
مستوك متطور يا منى
واختيار موفق للموسيقى
ولكن توجد بعض الصور التقليديه
ارجو تقبل النقد
ما زلت صقع عليك
غير معرف
شكرا على الزيارة والنقد مقبول وأكيد الجملة الأخيرة بس مش حنكتبها لكن زي ماقلت
إرسال تعليق